Isa 47 | ZomZIV | STEP | Babylon Tanu Bit aw, tuaksukin leivui lakah tu in; Babylon mite tanu aw, tutphah loin leitual ah tu in. Nang a moi ahikeh a ngeek hong kici nawn lo ding hi.

Isaiah 47

Babylon Pukna

1 Babylon Tanu Bit aw,
tuaksukin leivui lakah tu in; ^a
Babylon mite ^{▼▼47.1 Ahikeh Chaldea-te tg.5 ah zong} tanu aw, ^c
tutphah loin leitual ah tu in.
Nang a moi ahikeh
a ngeek hong kici nawn lo ding hi. ^d
2 Angawina suangin an nel gawi in, ^e
na lukhuhna lakhia in. ^f
Na nik singten inla na khe guakin
luite ngaptan in. ^g
3 Guaktang na hina kipholak dinga, ^h
na maizumna kidawk ding hi.
Keimah in phu ka la dinga; ⁱ
khat beek ka hawi kei ding hi,” a ci hi.
4 Eite’ Tanpa - ama min Thahatpen TOPA -
Israel-te Siangtho Pa ahi hi.
5 “Babylon mite Tanu aw,
khuamial lakah pai-in pau loin tu in; ^j
nang, kumpi-gamte’ kumpinu
hong kici nawn lo ding hi. ^k
6 Ka mite tungah ka heh a,
ka gouluah ka ninsak hi; ^l
amaute na khut sungah kong pia-a,
nang lainatna na lak kei hi. ^m
A khanghamte tung nangawn ah
hakkol gik mahmah na suan hi.
7 Nang in, ‘Tawntung kumpinu ka hi hi! -
ka zom tawntung ding hi’na ci hi. ⁿ
Ahi hangin hih nate ngaihsun loin
nang tunga hong tu kik ding zong na ngaihsun kei hi. ^o
8 “Tua ahi ciangin no awlmawh a nei lo
nuamtaka tu hithiat ganhingte,
‘Kei bek ka hi hi, kei lo kuamah om kei, ^p
ka meigong ngei kei dinga, ^q
ka tate ka sihsuah kei ding hi’
a ci note in ngai un.
9 Hihte gel - tate sihsuahna le meigonna in ^r
thakhat thu ni khat sungin ^s
no tungah hong tung ding hi.
Na aisan siamna le na mibum siamna tampi tangin
tuate nang tungah a cingtakin
hong tung ding hi. ^t
10 Na gitlohna muangin, ^u
‘Kuamah in hong mu kenteh’ na ci hi. ^v
‘Kei bek ka hi hi,
kei lo kuamah om kei’ na cih ciangin
na pilna le na theihna in hong makaih khial hi. ^w
11 Siatna lianpi no tungah hong tung dinga,
bangci beisak ding cih na thei kei ding uh hi.
Na tungah tuahsiatna hong tung dinga,
tat nading man na piak hangin
na mangsak thei kei ding hi;
theihkholh lohin dongpi na tuakvat ding hi. ^x
12 “Tua ahi ciangin na neu tunga kipan na sep,
mibumna le aisannate ah
kipin om den in. ^y
Na tangtun kha thei dinga
na lausak kha thei ding hi.
13 Nang hong kikuppihnate khempeuh in
nang hong patgawpsak ding hi! ^z
Na aksi-ensiamte le kha simin aksi enzui-a thu magente, ^aa
na tunga hong tung gimnate panin kihonkhiasak in.
14 Amaute buh bulsum bang takpi uh a,
mei in kangtum ding hi.
Amau le amau nangawn
meikatna panin a kihon thei kei ding uh hi.
Khatpeuh khualum nadingin hih lai-ah meihol om lo a,
awi dingin mei a om kei hi.
15 Na neu tunga kipan
na sum zonpih na nasep khawmpihte in
hong seppih theih tua ciang bek ahi hi. ^ab
Amaute amau khialhna ciatin pai uh hi;
nang hong hon thei ding khat beek a om kei uh hi. ^ac